Pas raportimit të KALLXO.com, Fushë Kosova nis riparimin e rrugës në fshatin e saj
19.10.2018 - 12:57
Pas raportimit të KALLXO.com, se rruga e fshatit Miradi e Ulët në Komunën e Fushë Kosovës ishte e mbushur me gropa, kanë nisur punimet për riasfaltimin e saj në atë lokacion.
Lexuesit kanë dërguar fotografitë ku shihen mjetet e kompanisë kontraktuese të cilat kanë filluar punimet për rregullimin e rrugës.
Për gjendjen infrastrukturore në Miradi të Ulët, një qytetar kishte dërguar në KALLXO.com fotografi të rrugës, e cila është e mbushur me gropa dhe ka treguar që me vite të tëra ekziston kjo gjendje.
Ndërsa, Komuna e Fushë Kosovës ka deklaruar se punimet për asfaltimin e rrugës besohet se do të përfundojnë brenda 20 ditëve.
https://kallxo.com/foto-komuna-premton-riparimin-e-rruges-me-gropa-ne-miradi-te-ulet/