OSBE mbështet aktivitetin kulturor multietnik në Mitrovicën e Jugut

Misioni i OSBE-së në Kosovë ka bërë të ditur se e ka mbështetur organizimin e një aktiviteti kulturor  të shkollës fillore ‘Bedri Gjina’ në Mitrovicën Jugore,  për të rritur ndërgjegjësimin dhe mirëkuptimin midis kulturave shqiptare, ashkali dhe boshnjake të Kosovës.

Sipas organizatës, përveç studentëve, aktiviteti ka mbledhur zyrtarë të shkollës, drejtorin komunal të arsimit, mësuesit, prindërit dhe banorët vendas.

“Studentët mbanin veshjen tradicionale, të blera me mbështetjen e Misionit të OSBE-së, dhe diskutuan me vizitorët format tradicionale të arkitekturës dhe mënyrat e jetës. Ngjarja kulmoi me një ansambël të ushqimeve tradicionale nga të tri komunitetet dhe me shfaqjet e vallëzimit tradicional të nxënësve”, thuhet në publikimin e Misionit të OSBE-së në Kosovë.

Sipas kësaj organizate, përmes aktivitetit, pjesëmarrësit mësuan historinë dhe kulturën e fqinjëve të tyre, duke nxitur mirëkuptimin dhe respektin reciprok.

Foto: Misioni i OSBE-së në Kosovë – Facebook