Ministria rregullon rrugën në Doganaj të dëmtuar gjatë ndërtimit të autostradës

Rruga në fshatin Doganaj të Kaçanikut është rregulluar pas dëmtimet nga makineritë e kompanisë Bechtel-Enka gjatë punimeve në autostradën ‘Arbën Xhaferi’.

Kështu ka njoftuar ministri i Infrastrukturës dhe Transportit, Pal Lekaj përmes një postimi në ‘Facebook’, një ditë pas përurimit të kësaj autostrade.

“Ashtu siç ju kam premtuar banorëve, çdo rrugë e dëmtuar gjatë punimeve të autostradës “Arbën Xhaferi”, do të kthehen në gjendjen e mëparshme, e edhe më mirë”, ka shkruar Lekaj.

Pal Lekaj – Facebook

KALLXO.com kishte raportuar se banorët e dhjetë fshatrave të Kaçanikut janë mbledhur sot në shenjë pakënaqësie për shkak të mosrregullimit të rrugës Fusha e Pajtimit- Bazhdarhane, e cila sipas tyre, është dëmtuar nga makineritë e kompanisë “Bechtel-Enka”.

Ata kishin bllokuar rrugën në Doganaj të Kaçanikut për qarkullimin e automjeteve të kompanisë “Bechtel-Enka”.

Banorët kërkonin që rruga të asfaltohet e jo vetëm të sanohet në disa pjesë.

Hetem Lama, banor i fshatit Vataj ishte shprehur për KALLXO.com se pas disa kërkesash rruga për të cilën po protestojnë ka filluar të sanohet nga kompania në fjalë por nuk janë të kënaqur me punën e tyre.

Shpallet e hapur zyrtarisht autostrada “Arbën Xhaferi”