Lutfi Haziri, kryetar i komunës së Gjilanit
Haziri: Të Dhimbshme Shkëmbimet e Territoreve
Lutfi Haziri, nënkryetari i LDK-së dhe kryetari i Komunës së Gjilanit ka thënë se deri sot nuk kemi parë vullnet nga ana e Serbisë për ta përfunduar dialogun, por vetëm për ta zhagitur deri në pafundësi.
Sipas Hazirit, problemi i Kosovës me Serbinë është territorial.
Moszgjidhja e problemit të qytetarëve në Preshevë, Medvexhë e Bujanoc dhe ndarjet e shkëmbimi i terriroreve, Haziri i cilësoi të dhimbshme.
“Ndarjet janë të dhimbshme dhe shkëmbimi i territoreve është i dhimbshëm”, tha Haziri.
Ai tregoi se LDK-ja mbështet dialogun.
“LDK mbështet procesin e dialogut dhe jemi të gatshëm me qenë pjesë e konsensusit, ngase LDK beson që gjithçka mund të zgjidhet me dialog”, tha Haziri.
Konferenca në lidhje me fazën finale të dialogut u organizua nga Instituti Kërkimor për Çështje të Europiane dhe të Zhvillimit në bashkëpunim me Grupin për Hulumtim të Politikave në Ballkan.