Momente nga ndeshja Belgjike Japoni Foto: Fifa Wolrd Cup
Belgjikë – Japoni, përfundon pa gola pjesa e parë
02.7.2018 - 20:54
Pjesa e parë e ndeshjes së 1/8 së finale ndërmjet Belgjikës dhe Japonisë ka përfunduar pa gola, ani pse belgët patën raste të shumta.
Kombëtarja e Belgjikës pati disa raste, por asnjëherë nuk arriti të rrezikojë seriozisht portën e portierit japonez, Eiji Kawashima.
Belgët bënë presion të vazhdueshëm me ç’rast patën 6 goditje jashtë portës dhe vetëm një brenda saj, ndërsa Japonezët patën raste më pak, ani pse dy herë dërguan topin drejt portës së Belgjikës.
Fituesi i kësaj ndeshje do të luajë në çerekfinale ndaj Brazilit, që eliminoi Meksikën me rezultat 2:0
Përveç Brazilit, çerekfinalen e kanë siguruar edhe Franca, Uruguaji, Rusia dhe Kroacia.
Nesër do të ndeshen Suedi – Zvicër dhe Kolumbi – Angli.