Ankesat e kandidatëve, lënë pa drejtorë disa klinika në QKUK

Zgjedhja e drejtorëve të klinikave në Qendrën Klinike Universitare ka muaj që ka filluar, por ky proces nuk ka shkuar pa probleme.

Zgjedhja e disa drejtorëve ka bërë që kundërkandidatët të stopojnë procesin duke u ankuar dhe dërguar lëndën në Inspektoriatin e Punës.

Klinika e Gjinekologjisë, Radiologjisë, Kirurgjia e Fëmijëve dhe Psikiatria janë klinikat kandidatët e të cilave kanë qenë të pakënaqur me procesin.

“Ka pasur ankesa nga disa kandidatë dhe lënda ndodhet në Inspektoratin e  Punës”, thuhet në përgjigjet nga zyra e drejtorit të SHSKUK-së dhënë për KALLXO.com.

Sipas tyre deri më tani janë zgjedhur drejtorët e klinikave në Pulmologji, Endokrinologji, Kardiokiologji, Torakale, Neurokirurgji, Pediatri, Emergjencë, Anestezion, Biokimi, Kirurgji Vaskulare, Ortopedi, ORL, Neurologji, Kirurgji Maksilofaciale, Infektive, Neonatologji, Instituti i Psikiatrisë Forenzike, Nefrologji, Spitali i Gjilanit, Spitali Vushtrrisë dhe disa tjerë.

“Për QKUK, kushtet e konkursit të cilët duhet të cilat duhet t’i plotësojnë kandidatët përveç shkollimit në lëmit e caktura janë: të këtë përvojë pune 5 vite apo më shumë  në klinikën apo lëminë për të cilën konkuron, njohjen e mirë të sistemit shëndetësor, shkathtësi në arritjen e objektivave strategjike, njohuri të legjislacionit në përgjithësi e sidomos në shëndetësi, njohuri në fushën e menaxhmentit shëndetësor dhe të financave publike e të tjera”, thuhet në përgjigjet e SHSKUK.

Sipas tyre së shpejti pritet të procedohet me konkursin për klinikat tjera dhe spitalet që janë me U.D. drejtorë.

 

 

Do NOT follow this link or you will be banned from the site!