Foto-ilustrim
Aksident me Fatalitet në Magjistralen Prishtinë- Gjilan
18.12.2017 - 19:25
Një aksident me fatalitet ka ndodhur sot rreth orës 17:00 në magjistralen Prishtinë- Gjilan, saktësisht në hyrje të Graçanicës.
Në këtë aksident ka humbur jetën një këmbësor i moshuar.
Lajmin për KALLXO.com e konfirmoi zëdhënësi i Policisë, Daut Hoxha.
Zëdhënësi tha se dyshohet se një automjet e ka goditur një person dhe nuk është ndalur në vendin e ngjarjes.
“Ndihma e shpejtë ka arritë në vendin e aksidentit dhe mjeku ka konstatuar vdekjen e një personi rreth të 70-tave. Policia me njësitë relevante të trafikut kanë dalë në vendin e aksidentit dhe po ndërmerr veprimet e nevojshme operacionale dhe hetimore për të sqaruar të gjitha rrethanat e rastit”, tha Daut Hoxha për KALLXO.com.