17 vjeçari në Vushtrri arrestohet për grabitje në barnatore
08.11.2018 - 10:25
Një 17 vjeçar është arrestuar për një rast të grabitjes i cili raportohet të ketë ndodhur mbrëmjen e 22 tetorit.
Sipas policisë, viktima kishte deklaruar se me 22 tetor në vendin e saj të punës, në një barnatore në Vushtrri një person i maskuar nën kërcënimin e thikës ia ka grabitur 150 euro.
Sektori Rajonal i Hetimeve pas një hetimi intensiv ka njoftuar se dje ka identifikuar dhe ka arrestuar të dyshuarin G.M., 17 vjeçar për këtë rast.
Pas procedurave intervistuese nga ana e prokurorit, i dyshuari është liruar në procedurë të rregullt.
Ndaj të dyshuarit policia ka njoftuar se do të ngritet kallëzim penal për veprën penale grabitje.