1 milion euro për ndërtimin e bulevardit në Kamenicë

Ministri i Infrastrukturës dhe Transportit, Pal Lekaj, të mërkurën priti në takim kryetarin e Kamenicës, Qëndron Kastrati, më të cilin nënshkroi marrëveshje bashkëpunimi për ndërtimin e bulevardit në këtë komunë.

Siç bëhet e ditur, vlera totale e këtij projekti do të jetë një milion euro.

“Për vitin 2019 për këtë projekt, MIT-ja ka ndarë shumën prej 400 mijë euro, ndërsa shuma prej 600 mijë euro është planifikuar për vitin që vjen, në mënyrë që ky projekt të realizohet në tërësi”, thuhet në njoftim.

Ministri Lekaj tha se ndihet mirë që kryetari Kastrati është insistues dhe korrekt në raport me nevojat e qytetarëve, duke i premtuar atij se mbështetja e MIT-së nuk do të mungojë edhe në të ardhmen për këtë komunë.

Ndërsa, kryetari Kastrati, e falënderoi ministrin Lekaj, për qasjen ndryshe nga qeveritë e kaluara për Kamenicën, dhe së po vërehet përkushtimi i kësaj qeverie në përkujdesje për qytetarët e Kamenicës.