Super Milot Rashica ia fitoi 15 pikë Werder Bremenit në këtë sezon (FOTO)
21.5.2019 - 12:52
Sulmuesi i Kombëtares së Kosovës, Milot Rashica ka zhvilluar një super sezon me Werder Bremenin në Bundesligë në këtë edicion.
Djaloshi nga Vushtrria, ia ka bërë 26 paraqitje duke i realizuar nëntë gola dhe pesë asistime.
Sipas faqes së statistikave “Transfermarkt.co.uk”, Milot Rashica në këtë sezon nga nëntë golat e shënuar ia ka fituar pesë ndeshje Werder Bremenit.
Në statistika do të thotë se skuadra e Werder Bremenit, falë Milot Rashicës këtë sezon e ka mbyllur me 15 pikë më shumë.
Werder Bremen e mbylli sezonin në vendin e tetë me 53 pikë.
