Shkëlqen Milot Rashica, shënon përsëri në fitoren e Werderit (Foto)
17.3.2019 - 15:48
Werder Bremen e ka mposhtur Bayer Leverkusenin me rezultat 3-1, si mysafir në kuadër të xhiros së 26-të në Bundesligë.
Në fitoren e Bremenit ka shkëlqyer Milot Rashica duke shënuar një gol.
Werderi e nisi mirë ndeshjen, pasi kaloi në epërsi në minutën e 13‘ me Krusen.
Epërsinë e dyfishoi Milot Rashica në minutën e 37‘.
Leverkusen e ngushtoi epërsinë me Bailey në minutën e 75‘.
Për rezultatin përfundimtar 3-1 u përkujdes Kruse në minutën e 90+5.
Kujtojmë, se Rashica në xhiron e kaluar i shënoi dy gola në xhiron e kaluar ndaj Schalkes.