Çmimet e naftës u rritën sot me më shumë se 3.0% duke arritur nivelin më të lartë që nga nëntori 2018, pas një raporti që Uashingtoni do të njoftojë se të gjithë blerësit iranianë të naftës duhet të ndalojnë importimin ose do të përballen me sanksionet e SHBA-së.

Çmimi i naftës “brent” të Detit të Veriut u rrit me mbi 3% në mbi 74 dollarë për fuçi këtë mëngjes, ndërkohë që çmimi i naftës “së lehtë” amerikane WTI u rrit me rreth 2.3% në 65.49 dollarë për fuçi. Kjo rritje e çmimeve pasoi raportin e Washington Post-it, sipas të cilit sekretari amerikan i Shtetit Mike Pompeo do të njoftojë se më 2 maj, Departamenti i Shtetit nuk do të bëjë përjashtime për sanksionet kundër Iranit ndaj çdo vendi që aktualisht importon naftë të papërpunuar iraniane.

Çmimet e naftës “brent” u rritën me më shumë se 33% këtë vit, ndërsa nafta amerikane WTI u rrit me më shumë se 40%. Në nëntor 2018, SHBA kanë rinovuar sanksionet mbi eksportet e naftës të Iranit pasi presidenti i SHBA-së, Donald Trump kishte vendosur të tërhiqej në mënyrë të njëanshme nga marrëveshja bërthamore e nënshkruar në vitin 2015 nga Irani dhe gjashtë fuqitë botërore.

Ndeshja e mbrëmshme e basketbollit në mes klubeve “Trepça” dhe “Prishtina” përfundoi me tensione.

Fitorja e KB Trepça më 25.04.2024 bëri që disa prej tifozëve të gjuajnë gjësende të forta në drejtime të ndryshme.

Në mesin e këtyre gjësendeve kishte edhe ulëse të palestrës, e si pasoj e gjuajtjes me to, një zyrtar policor pësoi edhe lëndime trupore.

Siç është thënë në raportin e Policisë së Kosovës, polici i lënduar ka pranuar tretman mjekësor.

Rasti tash po hetohet nga njësitet përkatëse.