Basketboll, Bashkimi e fiton derbin e qytetit
27.3.2019 - 22:44
Skuadra e Bashkimit e ka fituar derbin e qytetit, duke mposhtur Ponte Prizrenin me rezultat 91-84.
Ndeshja u zhvillua në palestrën “Sezai Surroi” në Prizren, në kuadër të xhiros së 24-të në Superligën e Basketbollit në Kosovë.
Kampionët e Kosovës në basketboll sonte triumfuan me shtatë pikë dallim nga Ponte.
Te Bashkimi lojtari më i mirë ishte Jordan Capps me 26 pikë.
Te Ponte Prizreni më i miri ishte Malcolm Canada me 25 pikë.
Pas 24 xhirove Bashkimi pozicionohet në vendin e pestë me 36 pikë, me 12 humbje dhe 12 fitore.
Kurse Ponte Prizreni në vendin e katërt me të njëjtat pikë.
Në xhiron e ardhshme Bashkimi e pret Prishtinën, ndërsa Ponte Prizreni do të përballet me Yllin e Suharekës.