Policia jep detaje për grabitjen në lagjen "Dardania"

KALLXO.com raportoi për një vjedhje që ka ndodhur para disa minutash në lagjen “Dardania” në Prishtinë.

Rasti është konfirmuar edhe nga Policia e Kosovës.

Zëdhënësja e PK-së për rajonin e Prishtinës, Flora Ahmeti tha për KALLXO.com se vjedhja ka ndodhur në një market në rrugën “Bill Clinton”.

“Pas marrjes së informacionit policia ka dalë në vendngjarje dhe bazuar në të dhënat e para  janë ngritur dyshimet se  vjedhja është kryer nga dy të dyshuar të cilët më pas kanë ikur nga vendi i ngjarjes”, u shpreh zyrtarja policore.

Ajo tha se aktualisht policia ka iniciuar një hetim  lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve.​

Vjedhje në lagjen “Dardania” të Prishtinës, Policia ndjek hajnin