VIDEO – Gjermanët protestojnë para Ambasadës së Rusisë në Berlin
Mijëra njerëz në qytete të ndryshme të Evropës kanë protestuar kundër pushtimit rus në Ukrainë.
KALLXO.com ka siguruar pamje nga një protestë e mbajtur sot para Ambasadës së Rusisë në Berlin.
Në video shihen disa qytetarë duke brohoritur ” Ne duam paqe” para ambasadës.
Media gjermane, Deutsche Welle ka raportuar se sot një turmë masive u mblodh në kryeqytetin gjerman për të protestuar kundër pushtimit rus të Ukrainës, ndërsa parlamenti gjerman po mban një seancë speciale.
Sulmi i Moskës ndaj Ukrainës ka nisur në orët e para të 24 shkurtit. Raketat janë nisur në aeroporte dhe infrastrukturë ushtarake në rreth 25 qytete.
Veprimi i Kremlinit ka nxitur zemërim dhe është dënuar në gjithë botën.
Shtetet e Bashkuara dhe aleatët janë përgjigjur me sanksione të ashpra kundër Moskës.
