Kaçanik, arrestohet një person për kultivim të bimëve narkotike

Policia në Kaçanik ka arrestuar një të dyshuar pasi gjatë kontrollit në shtëpinë e tij i kanë gjetur dhe konfiskuar një sasi të substancave narkotike.

Rasti ka ndodhur më 03.07.2024, rreth orës 11:50, në fshatin Sopanicë.

Sipas njoftimit të Policisë, të dyshuarit i janë gjetur katër bimë të llojit kanabis-sativa të gjatësisë rreth 20 cm, substancë e dyshuar narkotike e llojit marihuanë, me peshë 624.15 gram, një pako me letër për mbështjellje të marihuanës, 80 qese najloni të zbrazëta dhe një thikë.

Rasti është incuar si ‘Kultivim i bimëve narkotike’, ndërsa me vendim të prokurorit i dyshuari është dërguar në mbajtje.