Arrestohet i dyshuari në Kaçanik, Policia i gjen në shtëpi drogë

Një person në fshatin Sopanicë të Kaçanikut është arrestuar sot, më 03.07.2024, nën dyshimin se merret me kultivimin e bimëve narkotike.

Policia ka njoftuar se është realizuar aksioni policor në dy shtëpi të personit dhe gjatë kontrollit janë gjetur provat materiale si në vijim: katër bimë të llojit kanabis sativa të gjatësisë rreth 20 cm; substancë e dyshuar narkotike e llojit marihuanë e vendosur në kavanoz xhami me peshë neto 10.6 gramë; 80 copë qese najloni të zbrazëta; një pako me rizlla (letër për mbështjellje të marihuanës); një qese najloni me substancë të dyshuar narkotike të llojit marihuanë me peshë 17.2 gramë; një thes najloni me substancë të dyshuar narkotike e llojit marihuanë me peshë neto 486 gramë; substancë e dyshuar narkotike e llojit marihuanë e vendosur në kavanoz xhami me peshë neto 89.4 gramë; një qese najloni me substancë të dyshuar narkotike të llojit marihuanë me peshë 10.2 gramë; substancë e dyshuar narkotike e llojit marihuanë me peshë 10.75 gramë (e vendosur në shishe plastike), dhe një thikë.

Tutje thuhet se lidhur me rastin pas përfundimit të kontrollit është kontaktuar prokurori kompetent dhe me autorizim të tij, i dyshuari pas intervistimit ndalohet për 48 orë.