Sulmohet një polic në Prishtinë
01.3.2024 - 11:13
Policia e Kosovës ka njoftuar se më 28.02.2024 është arrestuar një person nën dyshimet se duke mos i zbatuar urdhrat e ka sulmuar fizikisht një zyrtar policor.
Ngjarja raportohet të ketë ndodhur në Prishtinë, pak para mesnatës, në ora 23:20.
Në raportin 24-orësh policor është thënë se policit që është sulmuar i janë shkaktuar lëndime trupore, për të cilat ka pranuar tretman mjekësor.
PK njofton se i dyshuari pas intervistimit me vendim të prokurorit është liruar në procedurë të rregullt hetimore.