Shefi i kabinetit të Presidentës: "Vuçiq i çmendur, të ndërrojë dillerin"

Shefi i kabinetit të Presidentes së Kosovës Vjosa Osmani, Blerim Vela përmes rrjetit Twitter është shprehur se deklaratat e presidentit të Serbisë, Aleksander Vuçiq dëshmojnë se ai “është totalisht i çmendur”.

Ai ka shpërndarë disa deklarime të Vuçiq lidhur me zgjedhjet e jashtëzakonshme në katër komunat me shumicë serbe (Mitrovicë e Veriut, Leposaviq, Zveçan dhe Zubin Potok) që pritet të mbahen nesër.

“Këto deklarata të Vuçiqit dëshmojnë se ai është totalisht i çmendur! Si çdo kokëkrisur, ai ose duhet të ndryshojë tregtarin/dillerin e tij ose shkrimet që po përdor. Vuçiq po dëshmon çdo ditë se ai është pengesa kryesore për paqen dhe stabilitetin në rajon me qëllimet e tij hegjemoniste dhe retorikën e tij “- ka shkruar Vela.

These Vučić’s statements prove that he is totally deranged!

Like every crackhead, he should either change his dealer or script he is using.

Vučić is proving every day that he’s the main hindrance for peace & stability in the region with his hegemonic goals & vitriolic rhetoric. pic.twitter.com/BWolhD8WdM

— Blerim Vela (@Blerim_Vela) April 22, 2023

Vuçiq në një deklarim për mediat serbe është shprehur se pas 23 prillit do ketë pushtim të plotë të veriut të Kosovës.

Vuçiq: Pas 23 prillit do të ketë pushtim të plotë të veriut të Kosovës