Raporton vëllain në polici se i çmontoi e i dëmtoi dyert e shtëpisë

Një burrë ka raportuar vëllain e tij në polici për dëmtim të shtëpisë së tij.

Ngjarja është regjistruar dy ditë më parë në Klinë.

Sipas njoftimit të policisë, ankuesi ka raportuar se vëllai i tij i ka çmontuar dhe dëmtuar dyert e shtëpisë të cilën e kanë të përbashkët.

Në lidhje me këtë ngjarje është marrë intervista e të dy palëve nga ana e hetuesve policorë dhe është njoftuar edhe prokurori kujdestar.

Ky i fundit ka urdhëruar që i dyshuari të dërgohet në mbajtje.