QKUK tregon gjendjen e këmbësores që sot u godit nga një veturë në rrugën Prishtinë - Fushë-Kosovë
Një këmbësore është goditur nga një veturë sot gjatë ditës në rrugën Prishtinë – Fushë-Kosovë.
Viktima kishte pësuar lëndime dhe ishte dërguar në QKUK për tretman mjekësor.
Momentalisht gjendja e saj është stabile ndonëse është duke u trajtuar në Mjekim Intensiv.
Agreta Gashi, mjeke kujdestare, ka thënë për KALLXO.com se këmbësorja e aksidentuar ka lëndime të rënda.
“Po, pacientja është duke u trajtuar në Mjekim Intensiv, ka lëndime të rënda mirëpo gjendja është stabilizuar për momentin”, tha ajo për KALLXO.com.
Vetura e cila ka aksidentuar këmbësoren ishte larguar nga vendi i ngjarjes.
Flora Ahmeti, zëdhënëse e Policisë së Kosovës, kishte konfirmuar rastin gjatë ditës për KALLXO.com.
“Me rastin po merret njësiti i trafikut, të cilët përveç që po hetojnë rrethanat e këtij aksidenti, janë duke punuar në identifikimin e personit/ ngasësit të automjetit të përfshirë në aksident, pasi që i njëjti ka ikur nga vendi i ngjarjes”, kishte thënë ajo.
KALLXO.com ka provuar të kontaktojë me Policinë e Kosovës për ndonjë informacion të ri në lidhje me rastin, por deri në publikimin e këtij rasti nuk ka pranuar përgjigje.