Takimi në presidencë mes Samantha Power nga USAID, Ambasadorit amerikan Jeff Hovenier dhe presidentes Vjosa Osmani | Foto: Ambasada Amerikane
Presidentja Osmani takon administratoren e USAID dhe Ambasadorin amerikan
Administratorja e Agjencisë Amerikane për Zhvillim Ndërkombëtar (USAID), Samantha Power dhe Ambasadori amerikan në Kosovën Jeff Hovennier kanë takuar sot presidenten e Republikës së Kosovës, Vjosa Osmani në zyrën e saj.
Ambasadori Hovenier njoftoi se në takim e kanë njoftuar presidenten Osmani për përkushtimin e palëkundur të ShBA-ve për ta mbështetur Kosovën në procesin e integrimit euroatlantik dhe dialogun si proces.
“Sot u bashkua Samatha Power nga USAID në takim me presidenten Vjosa Osmani. Diskutuam për përkushtimin e palëkundur të Qeverisë së SHBA-së për të mbështetur integrimin euroatlantik të Kosovës dhe mbështetjen tonë për Dialogun e lehtësuar nga BE-ja” – ka shkruar ambasadori Hovenier në Twitter.
Today I joined @PowerUSAID in meeting @VjosaOsmaniPRKS. Discussed the U.S. Government’s steadfast commitment to supporting Kosovo’s Euro-Atlantic integration and our support of the EU-facilitated Dialogue. pic.twitter.com/lUYItKKMXq
— Ambassador Jeff Hovenier (@USAmbKosovo) May 13, 2023
Administratorja e Agjencisë Amerikane për Zhvillim Ndërkombëtar (USAID), Samantha Power është duke qëndruar në Kosovë dhe të premten pati takim edhe me kryeministrit Kurti e ministren e Ekonomisë, Artane Rizvanollit.
Ata hapën dje ankandin për parkun me energji solare, projekt që pritet të jetë investim prej 75 milionë euro për 100 megavat energji.
