Foto: REL
Podujevë, akuzohej se vodhi rrymë në vlerë 604 euro, dënohet me 100 euro me kusht
Gjykata e Podujevës ka zhvilluar një proces gjyqësor interesant.
I pandehuri është dënuar me para, por shuma e dënimit është disa herë më e vogël se shuma e dëmit të shkaktuar.
Në fillim të janarit në këtë Gjykatë është mbajtur procesi ndaj Rr.F. Ai akuzohej se në vitin 2019 kishte vjedhur rrymë.
Dëmi që KEDS e kishte llogaritur nga kjo vjedhje ishte 604 euro.
Në fund, Gjykata arriti në konstatimin se personi për këtë dëm duhet të dënohet me një dënim prej 100 eurosh, i cili do jetë i kushtëzuar.
Sipas Gjykatës, nëse brenda një viti Rr.F. nuk kryen vepër të re penale ai nuk do e paguajë as shumën 100 euro.
Sipas Ligjit, personi edhe pse nuk është dënuar më shumë ai do obligohet të paguajë shumën e energjisë së vjedhur.
Kjo mund të ndodhë nëse KEDS vendos ta padisë në procedurë civile personin për të kërkuar kompensimin e dëmit.
Keqpërdorimi i energjisë elektrike dënohet sipas ligjeve në fuqi. KEDS ka një linjë të veçantë për raportimin e keqpërdorimeve.