Përfshihen nga zjarri një shtëpi dhe një punëtori në Komoran
18.10.2023 - 21:50
Një punëtori dhe një shtëpi janë përfshirë nga zjarri sonte rreth orës 20:30 në Komoran.
Lajmin për KALLXO.com e ka konfirmuar zëdhënësja e Policisë për rajonin e Prishtinës, Flora Ahmeti.
Ajo ka thënë se nuk është raportuar për persona të lënduar.
“Sot rreth orës 20:30, është raportuar se në Komoran, dy objekte (një punëtori dhe një shtëpi) janë përfshirë nga zjarri. Policia menjëherë ka dalë në vendin e ngjarjes, po ashtu janë ftuar edhe zjarrfikësit të cilët kanë lokalizuar zjarrin” – tha ajo.
Zëdhënësja tha se përveç dëmeve materiale nuk raportohet për persona të lënduar.