Për një javë, 39 raste të vdekjes nga COVID-19 në Kosovë
11.7.2020 - 17:40
Për një javë në Kosovë janë shënuar 39 raste të vdekjes, si pasojë e virusit COVID-19.
Nga 58 vdekje sa ishte numri me datën 3 korrik, deri më sot është rritur në 97 vdekje në total nga ky virus.
Në 24 orët e fundit, janë shënuar 3 vdekje.
Ndërsa komunat më të prekura nga vdekjet e COVID-19 janë komuna e Prizrenit, Prishtinës dhe e Vushtrrisë.
Vdekja e parë në Kosovë është shënuar me datën 22 mars, ndërsa deri më tani në total janë konfirmuar 4,512 raste pozitive me COVID-19, derisa numri i përgjithshëm i të shëruarve është gjithsej 2.156 raste, kurse numri i rasteve aktive është 2.259.