Osmani: Koalicioni po funksionon shumë mirë
Nënkryetarja e Lidhjes Demokratike të Kosovës, Vjosa Osmani ka thënë se koalicioni LVV-LDK është duke funksionuar shumë mirë.
“Unë e shoh qe koalicioni po funksionon shumë mirë. Dallimet e vogla do të anashkalohen”, tha ajo pas mbledhjes së Kryesisë së Kuvendit.
E pyetur nga gazetarët nëse Qeveria Kurti po rrezikon raportet me SHBA për heqjen e pjesërishme të tarifës 100 për qind, Osmani tha se nuk e sheh një gjë të tillë.
“Kurse sa i përket vlerësimeve se dikush po tenton të rrezikojë apo shkatërrojë raporte me SHBA-ë, si kryetare e Kuvendit, në asnjë moment unë nuk kam parë ndonjë tendë apo ndonjë qëllim nga kushdo në qeveri që të dëmtojë këto relacione”, tha ajo.
Osmani tha se për çështjen e tarifës do të takohen sot me kryeministrin Kurti.
“Ne sot do të kemi takime me kryeministrin që të diskutohen këto çështje dhe lidhur me propozimin e tij të fundit do të dalim me qëndrim vetëm pas atij takimi. [Takimi] nuk është në ora 3, ka të tjera. Kemi takime më vonë. Janë takime të rregullta koordinues. Do të ketë përfaqësues të LDK-së”, tha ajo.
Ndërkaq, e pyetur nëse vendimi i Kurtit ka qenë në koordinim me partnerin qeverisës LDK-në, Osmani tha se vendimi është ekzekutiv e jo i Kuvendit.
LIVE – Konferenca pas mbledhjes së Kryesisë së Kuvendit
LIVE – Konferenca pas mbledhjes së Kryesisë së Kuvendit
Publiée par Kallxo.com sur Vendredi 28 février 2020