Foto: Urim Krasniqi/KALLXO.com
OSBE mirëpret miratimin e Projektligjit për zgjedhjet e përgjithshme
Misioni i OSBE-së në Kosovë ka mirëpritur miratimin e sotëm me konsensus të Projektligjit për zgjedhjet e përgjithshme nga Komisioni ‘ad hoc’ për reformën zgjedhore.
Në një postim në Twitter, OSBE ka thënë se pasi të miratohen ky Projektligj, ndryshimet në legjislacion do të përmirësojnë integritetin e zgjedhjeve në Kosovë dhe besimin e njerëzve në mënyrën e menaxhimit të zgjedhjeve.
Misioni tha se kanë punuar së bashku me kryetarin e Kuvendit të Kosovës, Glauk Konjufca dhe Komitetin që nga fillimi, duke ofruar mbështetje dhe ekspertizë.
“Falënderojmë anëtarët dhe këshilltarët e Komisionit për bashkëpunimin e shkëlqyer” – shtohet tutje në reagimin e OSBE-së.
Po ashtu kjo e fundit ka falënderuar OSBE/ODHIR, Bashkimin Evropian, Mbretërinë e Bashkuar dhe Komisionin Qendror të Zgjedhjeve në Kosovë për bashkëpunimin e tyre në arritjen e këtij rezultati.
We welcome today’s approval by consensus of the draft Law on General Elections by the Ad Hoc Committee on Electoral Reform. Once adopted, changes to legislation will improve the integrity of elections in #Kosovo and people’s trust in the way elections are managed. 1/2 pic.twitter.com/GJPTXuEhOZ
— OSCE Kosovo (@OSCEKosovo) April 6, 2023