Në ora 17:00 përfundon testimi i unazës qendrore në kryeqytet
24.4.2022 - 16:18
Komuna e Prishtinës ka njoftuar se sot në orën 17:00 do të përfundojë testimi i shndërrimit të Unazës Qendrore në qarkore njëkahëshe, i cili kishte filluar ditën e shtunë.
Në njoftim Komuna ka falënderuar qytetarët për durimin dhe ndihmën gjatë këtyre dy ditëve ndërsa ka theksuar se do të analizojnë të dhënat për hapat e ardhshëm.
“Testimi i Unazës njëkahëshe do të përfundojë sot në orën 17:00.Ju falënderojmë për durimin dhe ndihmën e juaj gjatë këtyre dy ditëve testuese. Do t’i analizojmë të dhënat e marra gjatë kësaj fundjave dhe do ju informojmë për hapat e mëtutjeshëm”, thuhet në njoftim.
Pamje nga testimi i shndërrimit të unazës qendrore të Prishtinës në qarkore njëkahëshe