Moti për sot, kjo është cilësia e ajrit
Mbi vendin tonë sot paradite pritet të mbajë mot me vranësira dhe mjegull, herë pas here me ngrica, ndërsa gjatë ditës do të mbajë mot më i ngrohtë dhe mesatarisht i vranët
Do të fryjë erë e lehtë dhe mesatare nga juglindja.
Temperatura më e ulët do të lëvizë nga zero deri në dy, ndërsa më e larta e ditës deri në 11 gradë Celsius, njofton IHMK.
Në shumicën e matësve të cilësisë së ajrit, të vendosura në disa komuna të Kosovës nga Instituti Hidrometereologjik i Kosovës, kanë treguar se cilësia e ajrit është e pranueshme.
Përveç matësit në Gjilan, që tregon se cilësia e ajrit është e dobët, në komunat tjera si Prishtinë, Pejë, Prizren, Mitrovicë, Han i Elezit dhe Drenas, cilësia e ajrit është e pranueshme.
Instituti Hidrometeorologjik i Kosovës (IHMK) bën monitorimin e cilësisë së ajrit në tërë territorin e Republikës së Kosovës, përmes Rrjetit Shtetëror për Monitorimin e Cilësisë së Ajrit.
Ky rrjet është i përbërë nga 12 stacione automatike fikse dhe një stacion automatik mobil.
Shpërndarja e stacioneve dhe përzgjedhja e lokacioneve monitoruese është bërë konform kritereve të Direktivës 2008/50/EU për ajër të pastër në Evropë dhe ligjeve vendore.
Bazuar në kriteret e lartpërmendura stacionet janë shpërndarë në 9 (nëntë) komuna të Republikës së Kosovës: Prishtinë, Obiliq, Drenas, Mitrovicë, Pejë, Prizren, Shtërpcë (Brezovicë), Hani i Elezit dhe Gjilan.
Duke klikuar në linkun e më poshtëm ju mund të merrni informata rreth rëndësisë së cilësisë së ajrit – LINK
Projekti “Përdorimi i mediave për të rritur vetëdijen lidhur me shkaktarët kryesorë të ndotjes së ajrit në Kosovë” është pjesë e “Dig Data Challenge” e mbështetur nga Millennium Foundation Kosovo (MFK) dhe Millennium Challenge Corporation (MCC), si pjesë e Dig Data Challenge për të dhënat mbi cilësinë e ajrit. Projekti implementohet nga Interneës Kosova.
