Zjarrfikësit. Foto: Urim Krasniqi/KALLXO.com
Mitrovicë, një shtëpi përfshihet nga zjarri
15.1.2024 - 13:05
Një shtëpi është përfshirë nga zjarri në Shipol të Mitrovicës.
Sipas Policisë së Kosovës përveç dëmeve materiale, nuk ka të lënduar.
Rasti ka ndodhur mbrëmë rreth orës 21:30.
Në raportin policor theksohet se një ankuese ka njoftuar se shtëpia, pronarët e së cilës ndodhen jashtë vendit në rrethana të panjohura është përfshirë nga zjarri.
“Në vendin e ngjarjes kanë dalë njësitet policore, zjarrfikësit, ekipi i KEDS-it dhe eksperti i zjarrit. Përveç dëmeve materiale lëndime në njerëz nuk ka. Rasti duke u hetuar”- thuhet në raportin 24 orësh.