Foto: Miroslav Lajcak / X
Lajçak takohet me Sarrazin, bisedojnë për dialogun Kosovë-Serbi
Emisari i BE-së për dialogun Kosovë-Serbi, Mirosllav Lajçak, është takuar sot të dërguarin e Gjermanisë për Ballkanin Perëndimor, Manuel Sarrazin, me të cilin ka biseduar për zhvillimet e fundit në rajon.
Lajçak ka thënë se Sarrazinin e ka njoftuar për situatën në dialogun Kosovë – Serbi.
“Gjithmonë e dobishme të takohem me mikun tim dhe të dërguarin special të Gjermanisë për Ballkanin Perëndimor, Manuel Sarrazin. Ne shkëmbyem mendimet për zhvillimet e fundit në rajon dhe njoftova atë për situatën e tanishme në dialog. Ne do të vazhdojmë të qëndrojmë në kontakt të ngushtë”- ka shkruar Lajçak në platformën “X”.
Always useful to meet with my friend and 🇩🇪 Special Envoy for the Western Balkan @ManuelSarrazin. We compared notes about the latest developments in the region and I updated him on the state of play in the Dialogue. We will continue to stay in close touch. pic.twitter.com/HrWk4GIOiV
— Miroslav Lajčák (@MiroslavLajcak) November 29, 2023
SHBA dhe BE i kanë propozuar Kosovës një draft-statut për formimin e Asociacionit – një marrëveshje që rrjedh nga dialogu Kosovë-Serbi, propozim të cilin e ka pranuar kryeministri Albin Kurti.
Dokumenti ende nuk është bërë publik zyrtarisht.