Ilustrim
Kanosi përmes rrjeteve sociale një vajzë, arrestohet i dyshuari
07.8.2021 - 14:37
Policia e Kosovës ka arrestuar një person në Prishtinë, i cili dyshohet se e ka kanosur një vajzë përmes rrjeteve sociale.
Ngjarja ka ndodhur më 2 gusht dhe pas hetimeve të ndërmarra nga Policia e Kosovës, i dyshuari është arrestuar më 6 gusht.
Pas arrestimit nga ana e policisë, i dyshuari është paraqitur në zyrat e hetimeve për intervistë.
Me vendim të prokurorit i dyshuari është dërguar në mbajtje.