Kryeminsitri i Kosovës, Albin Kurti dhe presidenti i Serbisë, Aleksandar Vuçiq
Javën tjetër mbahet Forumi Ekonomik Botëror në Davos, marrin pjesë Kurti dhe Vuçiq
Javën e ardhshme do të nisë ‘Forumi Ekonomik Botëror’ që do të mbahet në Davos të Zvicrës, i cili do të fillojë me 15 dhe do të zgjasë deri më 19 janar.
Ambasadori i Gjermanisë në Kosovë, Jorn Rohde ka bërë të ditur se në këtë forum të pranishëm do të jenë edhe kryeministri i Kosovës, Albin Kurti dhe presidenti i Serbisë, Aleksandar Vuçiq.
“Javën e ardhshme do të nisë Forumi Ekonomik Botëror në Davos. Me të gjitha temat kryesore të rëndësishme, ‘Arritja e sigurisë dhe bashkëpunimit në një botë të thyer’ rezonon veçanërisht për Kosovën, dialogun Kosovë – Serbi dhe të gjithë rajonin e Ballkani Perëndimor. Gëzohem që do t’i shoh të dy, Albin Kurtin dhe Aleksandar Vuçiqin të jenë të pranishëm”- ka shkruar Rohde në platformën X.
Next week, this year’s @wef in Davos will kick off! With all key themes being relevant, “Achieving Security & Cooperation in a Fractured World” particularly resonates for 🇽🇰, the 🇽🇰-🇷🇸 dialogue, & the entire WEB-region. Glad to see both @albinkurti & @avucic will be present. https://t.co/HeMFXOrM1C
— Ambassador Jörn Rohde (@GermanAmbKOS) January 12, 2024