Ilustrim
Gjilan, arrestohet një i dyshuar për kopjim dhe transmetim të përmbajtjeve të kanaleve televizive
14.10.2022 - 10:43
Një burrë në Gjilan është arrestuar nën dyshimin se ka shfrytëzuar pajisje teknologjike dhe programe kompjuterike për të kopjuar përmbajtjen e kanaleve televizive e më pas për t’i transmetuar përmes IPTV-së.
Ngjarja ka ndodhur dje rreth orës 17:30.
Policia ka njoftuar se me urdhër të gjyqtarit janë kontrolluar tri lokacione.
“Në cilësinë e provave materiale janë gjetur dhe sekuestruar tre kompjuterë, dy telefona, dy kartela të abonentëve, tre kartela për marrjen e sinjaleve audio si dhe disa dokumente”-ka njoftuar Policia.
Me vendim të prokurorit i dyshuari është dërguar në mbajtje, ka njoftuar tutje PK.