Gjendet i vdekur një burrë në lumin Klina
27.12.2022 - 16:44
Një burrë është gjetur i vdekur në lumin Klina, në afërsi të fshatit Kuqicë të Skenderajt.
KALLXO.com merr vesh se ai ishte raportuar si i zhdukur nga familja e tij më 25 dhjetor.
Sipas burimeve të KALLXO.com personi me inicialet S.F. ishte rreth të 60-ve.
Njësitet policore kanë dalë në vendin e ngjarjes për të hetuar rastin.
KALLXO.com ka kontaktuar edhe me zëdhënësin e Policisë së Kosovës për rajonin e Mitrovicës, Avni Zahiti, por deri në publikimin e këtij artikulli nuk ka marrë ende përgjigje.