Foto: Ilustrim
Gjendet e vdekur një grua në Prishtinë
29.9.2019 - 11:33
Një person i gjinisë femërore është gjetur i vdekur sot në mëngjes në lagjen “Ulpiana” të Prishtinës.
Lajmi është konfirmuar nga Policia e Kosovës.
Zëdhënësja e Policisë për Rajonin e Prishtinës, Florie Ahmeti, tha për KALLXO.com se rreth orës 9:30 kanë pranuar informatën se në afërsi të një ndërtese në lagjen “Ulpiana” ndodhet një person i shtrirë.
“Menjëherë në vendin e ngjarjes kanë dalë Policia dhe ekipi mjekësor , i cili ka konstatuar vdekjen e viktimës të gjinisë femërore”, ka thënë zëdhënësja e Policisë.
Hetuesit policorë në koordinim me prokurorinë përkatëse janë duke punuar për sqarimin e rrethanave të këtij rasti, shtoi Florie Ahmeti.