Sa i kushtoi Skender Hysenit udhëtimi në ShBA për një telefonatë me Grenellin?
Udhëtimi i në ShBA i Skender Hysenit, Koordinatorit për Dialog Kosovë-Serbi i kushtoi buxhetit të shtetit mbi 3 mijë euro.
Nga data 01 deri më datën 06 qershor, Hyseni qëndroi për një vizitë zyrtare në ShBA. Ai atje kishte planifikuar të takohej me të dërguarin special të ShBA-së për dialogun Kosovë-Serbi, Richard Grenell.
Megjithatë, Hyseni arriti që të zhvillonte vetëm një bisedë telefonike me të.
KALLXO. ka siguruar shpenzimet e Hysenit nga zyra e kryeministrit për vizitën e tij në Amerikë.
Ai mori mëditje për udhëtim jashtë vendit 577 euro e 50 cent. Ndërsa, nga 1 mijë e 290 euro euro i kushtuan biletat e aeroplanit.
Akomodimi i Koordinatorit Shtetëror për Dialog i kushtoi buxhetit të shtetit 659 euro ndërsa drekat zyrtare gjatë këtij udhëtimi kushtuan 540 euro.
Në total, shpenzimet për këtë udhëtim pesë ditor në ShBA, sipas të dhënave nga zyra e kryeministrit, kapin shifrën e 3 mijë e 66 euro e 62 cent.
Skender Hyseni në ShBA, bisedon në telefon me Richard Grenellin