Detaje si u gjet nëna që dyshohet se u vra nga djali i saj

Detaje të reja janë zbuluar nga ngjarja tragjike që ndodhi në orët e pasdites në Pejë, ku djali dyshohet se i preu kokën nënës së tij me mjet te mprehtë thikë.

KALLXO.com mëson se veprime të rënda ka ndërmarrë djali pas dyshimit të kryerjes së veprës penale.

Siç mëson KALLXO.com pasi i kishte prerë kokën, i dyshuari trupin e viktimës e kishte lënë në një dhomë e kokën në një pjesë tjetër të shtëpisë.

I dyshuari është arrestuar dhe është dërguar në ndalim.

Deri më tani nuk ka detaje se çka shtyu djalin ta kryente aktin makabër ndaj nënës së tij.

Në anën tjetër, prokurorja e rastit, Sahide Gashi ka deklaruar se kanë siguruar dëshmitarë okularë të ngjarjes.

Gashi tha se kanë provuar të marrin në pyetje të dyshuarin, mirëpo i njëjti sipas prokurores, nuk ka qenë në gjendje të flasë.

Ajo shtoi se nesër në prezencën e psikologut dhe avokatit mbrojtës të provohet të merret deklarata e të dyshuarit.

“Kemi dalë në vendin e ngjarjes së bashku me njësitin e forenzikës ku janë izoluar të gjitha gjurmët, janë mbledhur të gjitha provat kemi urdhëruar autopsinë e të ndjerës, gjithashtu kemi siguruar autorë okularë të ngjarjes. Kemi provuar që të dyshuarin të marrim në pyetje, mirëpo i njëjti  nuk ka qenë në gjendje, në prani të mbrojtësit kështu që kemi urdhëruar që nesër në prezencën e psikologut dhe avokatit mbrojtës të provohet të merret deklarata e tij”- ka njoftuar prokurorja.