Foto: Urim Krasniqi/KALLXO.com
COVID-19, 26 pacientë në gjendje kritike në QKUK
Nga 319 pacientë me COVID-19 të cilët po trajtohen në Shërbimin Spitalor Klinik Universitar të Kosovës, 26 janë në gjendje të rëndë.
Në mesin e tyre janë 200 pacientë të cilët po asistohen me oksigjeno – terapi.
Në Klinikat e Qendrës Klinike Universitare të Kosovës tash e gjashtë muaj janë duke u trajtuar pacientët me COVID-19.
Rastet me COVID-19 kanë rënë dukshëm në nivel vendi.
Në konferencën e mbajtur sot, drejtori i Instituti Kombëtar të Shëndetësisë Publike ka njoftuar se në nivel vendi janë regjistruar 55 raste me COVID-19, përderisa ka njoftuar se janë shëruar 150 të tjerë.
Brenda 24 orëve në nivel vendi kanë vdekur shtatë persona si pasojë e infeksionit me COVID-19.
Numri total i rasteve pozitive në Kosovë është 14.692 raste nga 58.425 persona të dyshimtë në virusin SARS-CoV-2 dhe 600 raste të vdekjes.