Blerim Vela largohet nga pozita e shefit të stafit të presidentes

Shefi i stafit të Presidentes Vjosa Osmani, Blerim Vela ka përfunduar angazhimin e tij në Presidencë.

Kështu ka njoftuar ky institucion përmes një postimi në Facebook.

Sipas njoftimit, ai do t’i kthehet angazhimit të tij profesional dhe familjes.

“Shefi i stafit të Presidentes Osmani, z. Blerim Vela ka përfunduar angazhimin e tij në Presidencë. Ai do t’i kthehet angazhimit të tij profesional dhe familjes. Presidentja Osmani e ka falënderuar z.Vela për angazhimin e deritashëm dhe i ka uruar sukses në angazhimet e mëtejme” – thuhet në njoftimin e presidencës së Kosovës.

Presidenca e Kosovës nuk ka dhënë detaje tjera mbi arsyet e largimit të Velës nga kjo pozitë.