Bastisje në Zveçan

Krimet Ekonomike të Policisë së Kosovës janë duke kryer një bastisje në Zveçan.

Lajmi për KALLXO.com është konfirmuar nga zëvendësdrejtori i Policisë për rajonin e Mitrovicës së Veriut, Veton Elshani.

Elshani ka thënë se dyshimet janë për kontrabandë me mallra, e se prezentë në vendin e ngjarjes janë edhe Dogana e Kosovës.

“Nga ora 9:30 ka filluar kontrolli në një depo në hyrje të Zveçanit nga ana e djathtë. Bastisjen e bën Njësiti për Krime Ekonomike nga Prishtina dhe ne ndihmojmë” – tha ai.

KALLXO.com ka kontaktuar edhe me Doganën për të marrë detaje shtesë dhe është në pritje të përgjigjeve.