Foto: Denis Reznik
Autoritetet ukrainase: Ka shenja të rritjes së niveleve të rrezatimit në Çernobil
Autoritetet e Ukrainës kanë bërë të ditur sot se ka shenja të rritjes së niveleve të rrezatimit në Çernobil.
Sipas medias ndërkombëtare, Sky News, agjencia bërthamore e Ukrainës ka thënë se po regjistron nivele të rritura të rrezatimit në Çernobil, vendi i centralit famëkeq bërthamor.
Megjithatë, Agjencia tha se rritja është “e parëndësishme” dhe e shkaktuar nga pluhuri i ngritur nga Rusia që lëviz në pajisjet e saj ushtarake.
Rusia pushtoi zonën e Çernobilit dje, duke shkaktuar shqetësim të veçantë.
Centrali bërthamor ishte shkaku i asaj që konsiderohet fatkeqësia më e keqe bërthamore në botë në vitin 1986.
Sot, është dita e dytë e pushtimit rus të Ukrainës – lufta e parë e madhe tokësore në Evropë në dekada.
Presidenti rus, Vladimir Putin, tha se ka nisur, siç tha, një operacion “special” për “çmilitarizimin” e Ukrainës.
Kurse, sot është raportuar se kryeqyteti Ukrainas ka përjetuar një natë të gjatë me bombardime nga distanca nga forcat ruse.
Ministri i Punëve të Jashtme i Ukrainës, Dmytro Kuleba, tha se kryeqyteti i Ukrainës ka pësuar nga sulme “të tmerrshme” të Rusisë.
Përgatiti: Arbisa Shefkiu