22 vjeçari gjendet i vdekur brenda shtëpisë në Pejë
08.2.2021 - 13:36
Një 22 vjeçar është gjetur i vdekur para rreth një ore brenda shtëpisë së tij në fshatin Banjë të Pejës.
Zëdhënësi i policisë në rajonin e Pejës, Driton Rugova e ka konfirmuar rastin për KALLXO.com.
“Rreth orës 11:35 kemi pranuar informacionin se në fshatin Banjë të Pejës një person është gjetur pa shenja jete në shtëpinë e tij. Njësitet relevante policore dhe ekipi mjekësor ka shkuar në vendin e ngjarjes, ku edhe është konstatuar vdekja e viktimës”, ka thënë Rugova.
Ai tutje ka shtuar se në në bazë të informacioneve të deritanishme, në vendin e ngjarjes kanë dal njësiti i hetimeve rajonale dhe prokurori i shtetit të cilët po merren me rastin.