foto; Denis Sllovinja
Ministria e Kulturës hap konkurs për vende pune në Teatrin Kombëtar
Pasi ka dështuar të zgjedhë Udhëheqësin Artistik, Ministria e Kulturës, Rinisë dhe Sportit ka hapur konkurs për disa vende pune në Teatrin Kombëtar të Kosovës.
Për të plotësuar nevoja e funksionit të TKK-së, MKRS ka hapur konkurs për pranimin e një dramaturgu, një mjeshtër ndriçimi, një rrobaqepës dhe Udhëheqës tekniko- artistik.
Në shpalljen e konkursi janë dhënë edhe kriteret dhe rroga për secilën pozitë të kërkuar.
Konkurruese duhet të kenë shkollim adekuat dhe përvojë punë në pozitat që konkurrojnë.
Data e njoftimit për këtë konkurs do të jetë deri më 7 shtator 2022, ndërsa data e aplikimit nga 8 shtator 2022 deri më 22 shtator 2022.
Aktualisht, për shkak të pushimeve nuk ka shfaqje në TKK, ndërsa objekti i tij është i mbyllur dhe pritet të rinovohet.
MKRS ende nuk ka bërë të ditur hapësira se ku do ta zhvillojë veprimtarinë TKK-ja deri në përfundimin e rinovimit të objekti.