Përshkrimi i rremë për Rron Gjinovcin
Deklarata
Me kete prononcim Rroni e pat fituar besimin tek Albin Zdravooo
Vlerësimi
Rrenë e kryptë
Përshkrimi i videos “me kete prononcim Rroni e pat fituar besimin tek Albin Zdravooo” është i rremë. Videoja është realizuar në vitin 2017, pesë vite pasi Rron Gjinovci ishte larguar nga Vetëvendosje, partia që udhëhiqet nga Albin Kurti. Gjinovci ka thënë se përshkrimi i videos është i rremë.
Artikulli
Më datën 14 korrik 2023, është publikuar në faqen “Prishtina” një video e opinionistit Rron Gjinovci me përshkrimin “Me kete prononcim Rroni e pat fituar besimin tek Albin Zdravooo”.
Në këtë video-material, Gjinovci flet për kohën e ish-Jugosllavisë.
Krypometri ka biseduar me Rron Gjinovcin i cili e ka demantuar që ky material ka të bëjë me “fitim” të besimit nga kryeministri Albin Kurti.
Gjinovci ka thënë se kjo video është e vitit 2017, pesë vite pasi kishte dalur nga Lëvizja Vetëvendosje.
“Ky përshkrim nuk është i vërtetë. Videoja është bërë me 27 tetor 2017. Unë kam qenë aktivist në Lëvizje Vetëvendosje nga viti 2008 deri në korrik 2012. Kjo video është bërë pasi kam dalë nga LVV”- tha Gjinovci.