Hashim Thaçi e Kadri Veseli nuk ishin në varrimin e policit

Në ceremoninë e varrimit të oficerit të Policisë së Kosovës, Izet Demajt, i vrarë në krye të detyrës në Istog, nuk kanë marrë pjesë dy drejtuesit e institucioneve kryesore të vendit.

Për dallim nga kryeministri Ramush Haradinaj, presidenti Hashim Thaçi dhe kryeparlamentari Kadri Veseli nuk kanë marrë pjesë në ceremoninë e varrimit që është zhvilluar dje në varrezat e dëshmorëve në Koshare.

KALLXO.com u ka dërguar pyetje edhe Presidencës edhe Kuvendit për arsyen e mospjesëmarrjes së tyre në ceremoni, por deri në momentet e publikimit të këtij raporti këto institucione nuk kanë kthyer përgjigje.

Thaçi e Veseli kishin reaguar në ditën e rënies së policit Demaj, në përpjekje për të parandaluar një grabitje banke në Istog.

https://kallxo.com/thaci-kosova-sot-e-humbi-nje-polic-te-guximshem/

https://kallxo.com/veseli-e-gjithe-kosova-ndien-dhimbje-per-humbjen-e-heroit-te-ligjit/

Izet Demaj u vra nga plumbat e grabitësit Kamer Metaj, i cili kishte hyrë për të grabitur filialin e bankës NLB ku kishte marrë peng edhe qytetarë.

https://kallxo.com/video-18-momenti-i-vrasjes-ne-istog/

Oficeri i Policisë është varrosur me nderime të larta shtetërore pranë shokëve të tij – luftëtarë të UÇK-së, të rënë për lirinë e Kosovës.

https://kallxo.com/fjalim-emocionues-i-vajzes-se-policit-izet-demaj-video/