Darka e kabinetit të Ramush Haradinajt me raki dardhe - Dokument

21 gota raki të dardhës janë pirë në darkën e kabinetit të kryeministrit Ramush Haradinaj më 4 dhjetor të 2017-ës.

Një gotë raki e dardhës (Vilamovka) ka kashtuar 3 euro.

Në total, vetëm për raki janë shpenzuar 63 euro, derisa e gjithë darka kishte kushtuar 162 euro e 30 cent.

Në këtë darkë, që të pranishmit kishin qëndruar deri në mesnatë janë ngrënë edhe ushqime tradicionale si sarme, xhyveq me mish viqi, mantia e tavë me mish viqi.

Poashtu nuk ka munguar as ajvari në këtë darkë.

Në këtë darkë janë ngrënë edhe 5 sallata greke që kanë kushtuar 12 euro e gjysmë në total.

Kjo faturë është pranuar, vërtetuar dhe nënshkruar nga Gani Demaj, shef i kabinetit të Ramush Haradinaj.

KALLXO.com ka filluar publikimin e faturave të drekave dhe darkave zyrtare të Kryeministrit Ramush Haradinaj dhe të zëvendëskryeministrave të tjerë.

Faturat janë marrë përmes kërkesës për qasje në dokumente publike.