Tre Autobusë nga Peja Nisen për Protestë
01.9.2016 - 09:27
Tre autobusë janë mbushur në Pejë me ata që do ta kundërshtojnë demarkacionin me protestë.
Drejt Prishtinës për protestën e “Vetëvendosjes” kundër marrëveshjes së demarkacionit pritet të nisen edhe shumë makina private.
“Vetëvendosja” sot do të protestojë kundër ratifikimit të marrëveshjes së demarkacionit me Malin e Zi, e cila sot është pikë e rendit të ditës në seancën e Kuvendit të Kosovës.
Marrëveshja e përcaktimit të vijës kufitare me Malin e Zi ishte nënshkruar më 26 gusht 2015 në Vjenë.
Mali i Zi e ratifikoi këtë marrëveshje më 12 tetor të vitit të kaluar.