Tërhiqet shorti për sezonin e ri në Superligë
27.8.2020 - 16:56
Gjatë ditës së sotme është tërhequr shorti në zyret e Federatës së Futbollit të Kosovës, për sezonin 2020/2021, në Superligën e Kosovës.
Kampionia e Kosovës, Drita, do ta nisë në shtëpi mbrojtjen e titullit ndaj Llapit.
Feronikeli do ta presë Gjilanin, në Drenas, kurse Prishtina e pret Drenicën në stadiumin “Fadil Vokrri”.
Ballkani do të luaj si mysafir ndaj Besës, ndërkaq Trepça ’89 do ta pret në Mitrovicë Arbërinë nga Lipjani.
Sezoni i ri 2020/2021, pritet të nisë më 12 shtator dhe të zhvillohet me 36 xhiro me sistem të katërifishtë.