Kosova fiton me lehtësi ndaj San Marinos, shkëlqen Muriqi
Kombëtarja e Kosovës ka shënuar fitore të lehtë ndaj San Marinos me rezultat 4-1.
Protgagonist kryesor ka qenë Vedat Muriqi duke i shënuar katër gola.
Paraqitje të mirë ka pasur edhr Arbër Zenli duke bërë tri asistime.
Kosova kaloi në epërsi në minutën e 27’ me Vedat Muriqin pas asistimit të Arbër Zenelit.
Mbrojtësi i krahut, Destan Bajselmani pati rast të mirë në minutën e 38’ pas një kombinimi të mirë me Vedat Muriqin, por goditjen e tij e priti portieri Benedettini.
Besar Halimi e goditi shtyllen pingule në minutën e 39’ duke iu afruar golit të dytë.
Lirim Kastrati pasoi për mrekulli për Vojvodën në minutën e 42’, por goditja e tij përfundoi jashtë portës.
Në minutën e 44’ Muriqi goditi fortë, por goditjen e tij e priti portieri i mysafirëve.
Ishte përsëri Vedat Muriqi që e dyfishoi epërsinë e Kosovës në minutën e 45’ pas asistimit të Arbër Zenelit.
Kosova e nisi furishëm pjesën e dytë duke e trefishuar epërsinë me golin e Vedat Muriqit në minutën 46’ pas asistimit të Arbër Zenelit.
Për 4-0, shënoi përsëri Vedat Muriqi në minutën e 75’ nga penalltia të cilen e fitoi Lirim Kastrati.
San Marino e shënoi golin e vetëm në minutën e 85’ me sulmuesin Tomassini pas gabimit të mbrojtësit Betim Fazliji.
Më 4 qershor Kosova do të luajë ndaj Maltës, kurse më 8 qershor ndaj Guinesë. Më 11 qershor miqësoren e fundit ndaj Gambisë për muajin qershor.